نطق حرف ال t في اللهجة الامريكية

الأربعاء مارس 27, 2019 6:56 pm

نطق حرف ال t في اللهجة الامريكية

لما حرف الـ T ييجي بين حرفين متحركين ( Vowels )
الحروف المتحركة اللى هما A, E, I, O, U

تعالوا نشوف بالأمثلة :
Computer - Water - Bottle - Heater - Better - Matter - Ability - University
الـ Computer كدا compu(d)er

- والكلام دا حتى ينطبق على الجُمل الكاملة مش الكلمات وبس
يعنى لو حرف الـ T جه فى نهاية كلمة .. قبله حرف متحرك .. والكلمة اللى بعدها بتبتدى بحرف متحرك بردوا .. بيتنطق حرف الـ T بردوا كأنه D

تعالوا نشوف جملة عشان الكلام دا يدخل الـ G ويظبط الـ D

- Get a better water heater اسمعها كدا

ماتستغربش .. لان الأمريكان بينطقوها كدا

• تانى حاجة لنطق حرف الـT عند الامريكان اسمها T = Silence When after N
طب دا يعني ايه ؟!
يعنى حرف الـ T مابيتنطقش لو جه بعد حرف الـ N ..
بس خلى بالكم من حاجة مهمة جدا فى الموضوع دا ..
انها قاعدة متغيرة احياناً لانها بتستعمل فى الـ Informal speech بس
بمعنى ابسط .. اللغة الانجليزية العامية ( الامريكية )

طب تعالوا نشوف ازاى حرف الـ T مابيتنطقش فى الكلمات دى عند الامريكان

Interview - Interstate - International - Wanted - Twenty

-النطق الصح (Inerview - Inerstate - Inernational - Waned - Tweny)

ازاى ( انتررررفيو ) تبقى ← ( إنررررفيو ) من غير حرف الـT
دلوقتى انت عرفت امتى الكلام دا بيحصل

وخلى بالك ان الكلام دا مش قواعد عامة لنطق اى كلمات English .. لان الـPronunciation بيختلف من امريكا لـبريطانيا لـدول كتير ليهم لكنات مختلفة
احنا اتكلمنا عن اكتر الكلمات الشائعة اللى ممكن تسمعها وتفتكر ان نطقها كدا غلط بس فى الحقيقة .. بيكون صح .. لكن بناء على Accent بتميز بلد عن بلد تانية

لأنك هتلاقى ان فيه كلمات ينطبق عليها القواعد دي والـT بتتنطق عادي
زى الكلمات دي : intelligence / Intend / intact
في الكلمات دي ال T لازم تتنطق لان فيه stress على المقطع اللي فيه حرف ال T
كلمة intact: الstress او الضغط في الكلمة على المقطع tact مش المقطع in
فبالتالي ماتقدرش تهمل نطق ال T

آخر حاجة خليك متأكد انك عشان تتعلم تتكلم English صح مش محتاج ورقة وقلم لأننا اتفقنا قبل كدا انك عشان تتكلم English صح محتاج Practice
بمعني Talk A Lot And Listen A Lot

منقول